काठमाण्डौँ । काठमाडौ महानगरपालिका–१५ ठूलो भर्याङमा सवारी दुर्घटना हुँदा एकको ज्यान गएको छ । ठूलो भर्याङमा ना ७ ख १३८१ नम्बरको ट्रकले बा ४५ प २७७४ नम्बरको मोटरसाइकललाई शुक्रबार ठक्कर दिँदा धादिङ गजुरी गाउँपालिका–७ किरान्चोक का २० वर्षीय सुमन मग्राती घाईते भएका थिए ।
दुर्घटनामा गम्भीर घाइते मग्रातीको उपचारका क्रममा त्रिभुवन शिक्षण अस्पताल महाराजगञ्जमा मृत्यु भएको प्रहरीले जनाएको छ । ठक्कर दिने ट्रक र ट्रकका चालकलाई प्रहरीले नियन्त्रणमा लिएको जनाएको छ ।
२०७६ साउन २५ गते प्रकाशित
