काठमाण्डौ । काठमाण्डौ भित्रिने मुख्य नाका रहेको नागढुंगामा आईतबार दिउँसो देखी सवारी साधनको चाप रहेको छ । नौबिसे नागढुँगा सडक खण्डको पिप्लामोडमा बस बिग्रिएकाले सवारी साधनको चाप भएको प्रहरीको भनाई छ । अहिले यो सडकमा एकतर्फी गाडी पास भइरहेको ट्राफिक प्रहरीले जनाएको छ ।
जिर्ण, साँघुरो सडक र गाडीको संख्या धेरै हुँदा दिनहुँजसो यो सडकखण्डमा जाम हुने गरेको छ । बिग्रिएको बस नबनेसम्म एकतर्फी गाडी गुड्ने हुँदा जाम अझै बढ्न सक्ने ट्राफिक प्रहरीले जनाएको छ ।
२०७६ श्रावण २६ गते प्रकाशित
