ओखलढुंगा । ओखलढुंगाका ६ वटा गाउँपालिकाले गत आवमा खाना खर्चवापत झन्डै ८० लाख रुपैयाँ खर्च गरेका छन् ।खाजाखानामा त्यति धेरै रकम कसरी खर्च भयो भन्नेमा जनप्रतिनिधि मौन छन् । मानेभञ्ज्याङ गाउँपालिकाले खानाबापत २० लाख १४ हजार ८७ रुपैयाँ खर्च गरेको छ ।
खिजीदेम्बा गाउँपालिकाको खाजा खर्च १८ लाख १९ हजार ५५५ र १ लाख रुपैयाँ गरी १९ लाख १९ हजार ५५५ खर्च देखिाएको छ ।
चिसंखुगढी गाउँपालिकाले ३ लाख ६७ हजार २० रुपैयाँ खानाखाजामा खर्चेको छ । सिद्धिचरण नगरपालिकाले १८ लाख ६९ हजार ५१० रुपैया खर्चेको छ ।
चम्पादेवी गाउँपालिकाले ११ लाख ३४ हजार ६६ रुपैयाँ र सुनकोशी गाउँपालिकाले ६ लाख८१ हजार ३ सय ५१ रुपैयाँ खाना तथा खाजामा मात्रै अनियमिता गरेको पाइएको हो ।
जिल्लाका अन्य दुई गाउँपालिका मोलुङ र लिखुको खाना तथा खाजा खर्चमा लेखा परीक्षण प्रतिवेदनले अनियमित खर्च भनेर उल्लेख गरेको छैन। आजको अन्नपूर्ण पोष्टमा खबर छ ।
२०७६ भदौ ६ मा प्रकाशित
