शिवराज आचार्य
महादेबेशी ,भाद्र ६ । हिन्दु नेपाली महिलाहरुको महान पर्व हरितालिका तिजको अबसरमा धादिङको थाक्रे गाउँपालिकाको महादेबेशीमा बृहत सांस्कृतिक कार्यक्रम तथा उज्यालो भविष्य महिला समुहको साधारण सभा भएको छ । उज्यालो भविष्य महिला समुहको आयोजनामा बृह्त सांस्कृतिक कार्यक्रम भएको हो । हिन्दु नेपाली महिलाहरुले भगवान शिव जीको पुजा आरधना गरेर तिज मनाउने गरेका छन ।
आज श्री कृष्ण जन्माष्टमीको दिन पारेर आयोजना गरिएको कार्यक्रममा राष्ट्रिय स्तरका कलाकार तथा स्थानिय कलाकारहरुले नेपाली मैलिक गितहरु गाएर दर्शकहरु लाई भरपूर्ण मनोरञ्जन दिएका थिए । कार्यक्रममा बोल्नु हुदै नेकपा नेता पृर्व मन्त्री राजेन्द्र प्रसाद पाण्डेले यस समुहलाई आफुले सकेको सहयो गदै आएको र आगामी दिनमा पनि सहयोग गर्दै जाने प्रतिब्धता जनाउनु भएको छ । महिला समुह द्धारा खरिद गरिएको एम्बुलेनसमा पनि पचास हजार सहयोग गरेको र अब भवन बनाउँदा आफुले सहयोग गने बताएका छन ।
कार्यक्रमका प्रमुख अतिथीका रुपमा आउनु भएको प्रदेश ३ का आन्तरिक मामिला तथा कानुन मन्त्री शालिकराम जम्कटेलले नमुनाको रुपमा यस महिला समुहले काम गरेर देखाएको बताउनु भयो । महिलाले नेतृत्व लिएका समुहले जस्तो सुकै काम गर्न पनि पछि नहट्ने र कामलाई सफलता दिने गरि काम उज्यालो भविष्य महिला समुहले गरेको बताउनु भयो ।
समुहकी अध्यक्ष गंगा लामाको अध्यक्षतामा भएको कार्यक्रममा प्रदेश ३ का आन्तरिक मामिला तथा कानुन मन्त्री शालिकराम जम्कटेल, प्रदेश सांसद तथा पर्व मन्त्री राजेन्द्र प्रसाद पाण्डे, पृर्व सांसद तथा नेकपा नेता पुष्प विक्रम मल्ल , नेकपा नेता नेत्रराज पौडेल, धुनिबेशी नगरपालिका प्रमुख बाल कृष्ण आचार्य, थाक्रेका अध्यक्ष राम कुमार आचार्य उपाध्यक्ष अम्बिका रुपाखेती , जिसस सदस्य उर्मिला रेग्मी ,नेकपाका जिल्ला कमिटी सदस्यहरु, वडा अध्यक्ष , उद्योग पति ,युवा व्यवसाही, राष्ट्रिय स्तरका कलाकार तथा स्थानिय कलाकारहरु प्रत्रकारहरुको सहभागीता रहेको थियो ।
२०७६ भाद्र ०६ गते प्रकाशित
