काठमाडौं । माथिल्लो तामाकोशी आयोजनाको शेयरधनीले लाभांशका लागि अझै पाँच वर्ष कुर्नुपर्ने भएको छ । आयोजना पूरा हुन समय लागत बढ्ने र समयमा नै आयोजनाबाट विद्युत उत्पादन नहुने भएपछि पाँच वर्ष कुर्नुपर्ने भएको हो ।
अहिले आयोजनाको लागत ७० अर्ब पुगिसकेको छ । शुरुको ३५ अर्ब लागत बढेर ७० अर्ब पुगेको हो ।
आयोजना सकिने बेलासम्म यसको लागत १ खर्ब लाग्ने अनुमान गरिएको छ । १ खर्ब निर्माण लागत लाग्ने भएसँगै उक्त आयोजनाले व्याज, ऋण भुक्तानीपछि मात्रै लगानीकर्तालाई लाभांश वितरण गर्न शुरु गर्छ । त्यसका लागि करिब पाँच वर्षको समय लाग्ने बताईएको छ ।
२०७६ असोज ०४ गते प्रकाशित
