काठमाडौं । मुलुकमा पछिल्लो समय एकपछि अर्को गर्दै आपराधिक क्रियाकलापमा विदेशीको संलग्नता बढ्दै गइरहेका बेला लागूऔषध कारोबारमा पनि विदेशीहरू उल्लेख्य रूपमा संलग्न हुने गरेको पाइएको छ।
नेपाल प्रहरीको पछिल्ला तीन वर्षे तथ्यांकले नेपालमा विदेशी लागूऔषध कारोबारीको सक्रियतासँगै कारोबार बढेको देखाएको हो ।
प्रहरीको आर्थिक वर्ष २०७२/७३ देखि २०७४/७५ सम्मको तथ्यांकले तीन वर्षको अवधिमा ४ सय २६ जना विदेशी नागरिक लागूऔषध कारोबार क्रममा पक्राउ परेका छन् ।
आर्थिक वर्ष २०७२र७३ मा १ सय १२ जना पुरुष तथा ६ जना महिला गरी १ सय १८ जना विदेशी नागरिक लागूऔषध कारोबारमा पक्राउ परेका छन् । यसैगरी, आव २०७३र७४ मा १ सय ४६ जना पुरुष तथा १३ जना महिला गरी १ सय ५९ जना विदेशी नागरिक लागूऔषध कारोबारको शीर्षकमा पक्राउ परेको प्रहरीको तथ्यांकले देखाएको हो ।
त्यस्तै, आव २०७४र७५ मा १ सय ३९ जना पुरुष र १० जना महिला गरी १ सय ४९ जना विदेशी नागरिक लागूऔषध कारोबारमा पक्राउ परेका छन् । नेपाल प्रहरीका केन्द्रीय प्रवक्ता डीआईजी विश्वराज पोखरेलले विदेशबाट लागूऔषध ल्याउने र यहाँबाट अन्यत्र लैजान नेपाली भूमि प्रयोग गर्ने गरिएको पाइएको बताए ।
‘लागूऔषध कारोबारमा पक्राउ परेका विदेशीको हालसम्मको आँकडाले विदेशबाट महँगा लागूऔषध नेपाल भित्र्याउन र नेपालबाट अन्यत्र लैजान नेपाली भूमि प्रयोग गर्ने गरिएको देखिन्छ,’ प्रवक्ता पोखरेलले भने ।
२०७६ असोज ०६ गते प्रकाशित
