शिवराज आचार्य सिम्ले । विजया दशमी २०७६ विशेष शुभकामना आदान प्रदान एवम् सांस्कृतिक कार्यक्रम तथा नृत्य प्रतियोगिता धादिङको थाक्रे २ घलेगाउँमा रहेको लिलिकालि माध्यमिक विद्यालयमा सम्पन्न भएको छ । विश्व शान्त दिवसको अबसरमा सुरूवात गरिएको लैंगिक समानताको लागि म नामक जनचेतनामुलक अभियानको पनि सुबार्मभ भएको छ । नेपालीहरूको महान पर्व विजया दशमीको अबसरमा आयोजना गरिएको शुभकामना आदान प्रदान तथा सांस्कृतिक कार्यक्रम तथा नृत्य प्रतियोगिता आयोजना गरिएको विद्यालयका प्रधानाध्यापक राजन अर्यालले बताउनु भयो । नृत्य प्रतियोगितामा विद्यालयका १३ जना एकल नृत्य रहेको थियोे भने ५ वटा समुहको सामुहिक नृत्यमा सहभागी रहेका थिए ।विद्यार्थीले नेपाली मौलिक गितहरूमा आफ्नो प्रतिभा प्रस्तुत गरेका थिए । एकल नृत्य प्रतियोगितामा सरिता तामाङ प्रथम,देवकी रिजाल दितिय,नविना कमर तृतिय र आरती खतिवडाले सान्तना स्थान प्राप्त गरेका छन । नृत्य प्रतियोगीतामा सहभागीहरु लाई प्रमाण पत्र प्रदान गरिएको थियो । भने सामुहिक नृत्यमा सपना हु म गीतमा सरिता तामाङ सि,सरिता तामाङ डि,डोलमाया तामाङ र निर्मला तामाङको समुह प्रथम भएका छन। नृत्य प्रतियोगिताको निणयक कुमार बैरागी ,राजनी लामा र विपना गोलेले रहनु भएको थियोे । कार्यक्रममा थाक्रे गाउँपालिका अध्यक्ष रामकुमार आचार्य र उपाध्यक्ष अम्बिका रुपाखेतीले दशैं तिहार र छठ पर्वको सबै थाक्रे बासिहरुलाई शुभकामना दिनु भएको थियो । विद्यालय व्यवस्थापन समितिका अध्यक्ष जङग बहादुर तामाङको सभापति रहेको कार्यक्रममा थाक्रे गाउँ पालिका अध्यक्ष राम कुमार आचार्य ,उपाध्यक्ष अम्बिका रूपाखेती ,वडा नम्बर २ का वडा अध्यक्ष राज कुमार पौडेल, सिड्सका कार्यकारी निर्देशक गोकण रुपाखेती,जिफन्ट धादिङका संस्थापक अध्यक्ष सुरेश आचार्य, विभिन्न विद्यालयका प्रअ तथा प्रतिनिधि ,अभिभावक विद्यार्थीहरूका उपस्थिति रहेको थियो । आज भएको कार्यक्रम लाई PEACE for people को सहयोग थाक्रे गाउँपालिकाले समन्वय र रेडियो राजमार्ग ९२.१ मेगाहर्जले मिडिया पाटनरको भूमिका रहेको थियो । २०७६ असोज ०८ गते प्रकाशित