काठमाण्डौँ । प्रभु बैंकले गत आर्थिक वर्षमा २ अर्ब ३ करोड ८९ लाख नाफा कमाएको छ । यो गतवर्षको तुलनामा शतप्रतिशत भन्दा बढी हो । अघिल्लो आर्थिक वर्षमा बैंकले ९६ करोड ७० लाख नाफा कमाएको थियो ।
बैंकले सूचना निकाल्दै आफ्नो नाफा बढेको बताएको हो । यस्तै, बैंकले बचत पनि बढाएको छ । अघिल्लो वर्ष जम्मा ९७ अर्ब २३ करोड बचतकर्तासँग संकलन गरेको बचत एक वर्षमा १ खर्ब १२ अर्ब ३९ करोड पुर्याएको छ।
बैंकले सोही अवधिमा ८६ अर्ब ४१ करोड बराबरको कर्जा प्रवाह गरेको छ । अघिल्लो वर्षको सोहि अवधिमा ग्रहकलाई दिएको कर्जा करिब ७३ अर्ब थियो । यस बीचमा बैंकले प्रतिशेयर आम्दानी पनि दोब्बरले बढाएको छ ।
२०७६ साउन ९ गते प्रकाशित
