काठमाण्डौँ । डियरवाल्क लर्निङ सेन्टरले उत्पादन गर्दै आईरहेको शैक्षिक भिडियो सामाग्रीहरु औपचारिक रुपमा सार्वजनिक गरेको छ । भिडियो सामाग्रीलाई ईन्टरनेट, मोबाईल एप्स र अनलाईनका विभिन्न माध्यमहरुबाट प्रयोग गर्न मिल्ने गरि सार्वजनिक गरिएको हो । डियरवाक इन्स्टिच्युट अफ टेक्नोलोजी अन्तरगत डियरवाक लर्निङ सेन्टर (डिएलसी) एक अनलाइन शैक्षिक साम्रगी विकासका लागि समर्पित एक मिडिया प्रयोगशाला पनि हो । स्थापना कालदेखि नै यो संस्थाले शैक्षिक भिडियो ट्युटोरियल उत्पादनमा विभिन्न खालका खोज अनुसन्धान र उत्पादन पनि गर्दै आएको सँस्थाले जनाएको छ । जुन देशभरिका विद्यार्थीहरूका लागि निकै नै उपयुक्त रहेको पनि पत्रकार सम्मेलन मार्फत जानकारी गराईएको छ । भिडियो सामाग्री मार्फत पावर पोइन्ट वा शिक्षक निर्मित सादा रेकर्डिङ्गको प्रयोग हटाई शिक्षण सिकाइको निरसता हटाइएको र रङ्गीन उदाहरणहरूले भरिएका हस्तलिखित सिकाइ सामग्रीहरू प्रयोग गरी कक्षाहरूलाई जीवन्त बनाएर विद्यार्थीहरूलाई कक्षाकोठामै बसेर सिके जस्तो अनुभूति गराइएको पनि बताईएको छ । नेपाल सरकारद्वारा निर्मित पाठ्यक्रममा आधारित भएर पाठ्य सामग्री निर्माण गरिएको शैक्षिक भिडियो सामाग्रीहरु विद्यार्थीहरूले पढाइमा ध्यान केन्द्रित गर्न सक्ने जनाईएको छ । पत्रकार सम्मेलन मार्फत औसत समयावधिलाई ध्यानमा राख्दै श्रव्यदृश्य कक्षाहरूको लम्बाइलाई १४ देखि २० मिनेटसम्ममा सीमित गरिएको पनि बताईएको छ । सबै भिडियो लेक्चर्सहरूका कक्षाहरू पूर्णत निशुल्क छन् र यिनको उपयोग हाम्रो शिक्षा पोर्टल http://dlc=dwit=edu=np का साथै गुगल प्लेस्टोरबाट डिएलसी मोबाइल एप डाउनलोड गरेर पनि उपयोग गन पनि सकिने जनाईएको छ । कक्षा ४ देखि १० सम्मका अनिवार्य विषयहरूलाई समेट्दै १७०० भन्दा बढी भिडियो लेक्चर्सहरू उत्पादन गरिएको आगामी वर्ष २०७७ सालको अन्त्यमा कक्षा १ देखी ३ र कक्षा ११ र १२ मा अध्ययन गरिने विषयहरूका भिडियो लेक्चर्सहरू उत्पादन गर्ने योजना रहेको डियरवाल्क लर्निङ सेन्टरले जनाएको छ ।