काठमाडौं । प्रदेश तीन सरकारले माध्यमिक तहको पढाइहुने प्रत्येक विद्यालयमा ‘एक विद्यालय एक नर्स’लागि यस बर्षबाट प्रदेश नं ३ अन्तर्गतका प्रत्येक स्थानिय तहमा एक जना नर्स करारमा लिने विज्ञापन गरेको छ ।
सामाजिक विकास मन्त्रालयले आज विज्ञापन प्रकाशित गरी १३ जिल्लाको प्रत्येक स्थानीय तहमा एक जना पुराउनका लागि एक सय एक जना नर्स करार सेवामा राख्नेगरी विज्ञापन खोलेको हो । जस अनुसार सिन्धुली–८, रामेछाप–७, दोलखा ८, सिन्धुपाल्चोक–१०, काभ्रेपलाञ्चोक १२, ललितपुर–५, भक्तपुर–३, काठमाडौं–९, नुवाकोट–१०, रसुवा –४, धादिङ–११, मकवानपुर–८ र चितवनमा ६ जना माग गरिएको हो ।
यस कार्यक्रममा सहभागि हुन इच्छुक उम्मेदवारले २१ दिन भित्र आवेदन दिनुपर्ने छ। यस सम्बन्धी विस्तृत सुचना सामाजिक विकास मन्त्रालय को वेवसाइट mosd.p3.gov.np मा हेर्न सकिनेछ।
२०७६ भदौ ३ गते प्रकाशित
प्रकाशित मिति :भाद्र ३, २०७६ मंगलवार -
२०:१४:१८ बजे
