नौबिसे । सानिमा बैक नौविसे शाखाले ‘एसईई’ उत्तीर्ण दुई विद्यार्थीलाई अध्ययनको लागि ‘सानिमा छात्रवृत्ति’ प्रदान गरेको छ । आफ्नो संस्थागत सामाजिक उत्तरदायित्व अन्तर्गत धुनिवेसी–९ का श्रीकृष्ण परियार र धुनिवेसी–८ की रेश्मी गिरीलाई छात्रवृती प्रदान गरिएको बैँकका शाखा प्रबन्धक मधु प्रकाश खतिवडाले बताए ।
आर्थिक अवस्था र शैक्षिक सामाग्रीको कमीले शिक्षाबाट वञ्चित हुन नपरोस् भन्ने उदेश्यका साथ बैंकले दिँदै आएको छात्रवृत्ति निरन्तरताको लागि छनौट समिती गठन गरिएको थियो । सोहि छनौट समितीको सिफारिसका आधारमा बैँकमा बिहिबार आयोजित कार्यक्रममा धुनिवेसी नगरपालिका–७ का वडाअध्यक्ष तथा समाजसेवी केदारप्रसाद पाठकबाट परियार र गिरीलाई छात्रवृत्ति हस्तान्तरण गरिएको छ ।
बैंकले वि.सं. २०६९ देखि निरन्तर उपत्यका बाहिरका हरेक शाखाबाट वार्षिक दुई जना विद्यार्थीलाई छात्रवृत्ति वितरण गर्दै आइरहेको छ । यो सँगै सानिमा बैंक नौविसे शाखाबाट छात्रवृत्ति पाउने विद्यार्थीको संख्या १४ पुगेको छ ।
२०७६ भदौ १२ गते प्रकाशित
