गजुरी । धादिङको गजुरीमा तिज विशेष साँस्कृतीक कार्यक्रम भएको छ । हरितालिका तिजको अवसरमा गजुरी रुद्रेश्वर आमा समुह गजुरी सामुदायिक विकास समाजको आयोजनामा कार्यक्रम भएको हो ।
कार्यक्रममा गाउँपालिका अध्यक्ष राजेन्द्र विक्रम बस्नेत, उपाध्यक्ष सिता ढुँगाना सहित विभिन्न व्यक्तिहरुको विशेष सहभागिता रहेको थियो ।
कार्यक्रममा गायक रामजी खाँड, राजकुमार बानियाँ लगायतका कलाकारहरुले प्रस्तुती मार्फत दर्शकहरुलाई मनोरञ्जन दिलाएका थिए । कार्यक्रममा दर्शकहरुको उल्लेख्य सहभागिता रहेको थियो ।
तिज पर्वको अवसरमा यसका साथै राजमार्ग क्षेत्रका खानिखोला, बैरेनी, मलेखु लगायतका स्थानमा पनि कार्यक्रमको आयोजना भएको थियो ।
२०७६ भाद्र १६ गते प्रकाशित
