काठमाडौं । दीपेन्द्र के। खनाल निर्देशित चलचित्र ‘आमा’ को छायांकन सकिएको छ । यो फिल्म ७२ दिन लगाएर छायांकन गरिएको निर्माण टिमले जानकारी दिएको छ । असार १६ गतेबाट छायांकन थालिएको यो चलचित्र लामो समय लगाएर छायांकन गरिएको हो । चलचित्रका केही दृश्य झरी परेको बेलामा खिच्नुपर्ने भएकाले ती दृश्य बेलैमा छायांकन गर्न नसकिएको निर्देशक खनालले बताए ।
आमाको ममतामाथि आधारित यो फिल्ममा मिथिला शर्मा, सरिता गिरी, सुरक्षा पन्त लगायतका कलाकारले शीर्ष भूमिकामा अभिनय गरेका छन् । यही चलचित्रका लागि अभिनेत्री सुरक्षा पन्तले कपाल मुण्डन समेत गरेकी थिइन् ।
महाशिवरात्रीको अवसर पारेर फागुन ९ गतेदेखि प्रदर्शनमा आउने यो चलचित्रलाई शर्मिला पाण्डेले निर्माण गरेकी हुन् ।
२०७६ भदौ २५ गते प्रकाशित
