धादिङ । धादिङको निलकण्ठ नगरपालिकामा यात्रुबाहक बस दुर्घटना हुँदा ५ जना घाइते भएका छन् । नेत्रावती गाउँपालिकाको सेमजोङबाट धादिङबेशी तर्फ आउँदै गरेको बा ४ ख ५७९३ नम्बरको बस निलकण्ठ नगरपालिकाको केरौंजामा सडकबाट धानखेतमा खसेको जिल्ला प्रहरी कार्यालयका प्रवक्ता प्रहरी नायव उपरिक्षक रुपक खड्काले बताए ।
विहान साँढे ८ बजेको समयमा भएको दुर्घटनामा घाइते भएकाहरूमध्ये ४ जनाको अवस्था गम्भिर छ । घाइतेमध्ये ४ जनालाई जिल्ला अस्पताल धादिङमा प्रारम्भिर उपचारपछि थप उपचारका लागि काठमाडौं पठाईएको छ । एक जनाको भने जिल्ला अस्पताल धादिङमा नै उपचार भैरहेको प्रहरीको भनाई छ ।
बसका चालकलाई नियन्त्रणमा लिइएको छ भने सहचालक फरार भएका छन् । अनुसन्धानबाट सहचालकले बस चलाएको पुष्टि भएको र थप अनुसन्धान भैरहेको प्रहरीले जनाएको छ ।
२०७६ असोज १२ गते प्रकाशित
