धार्के । धादिङको गल्छि गाउँपालिकामा विदेशबाट आई घरमै क्वारेन्टाईनमा बसिरहेका ३६ जनाको कोरोना जाँच गर्दा रिर्पोट नेगेटिभ आएको छ । गल्छि गाउँपालिकाका स्वास्थ्य शाखा प्रमुख राम प्रसाद ज्ञवालीका अनुसार ¥यापिड टेस्ट किट प्रयोग गरेर जाँच गर्दा ३६ जनाकै रिर्पोट नेगेटिभ आएको हो ।
उहाँले वडा नम्बर ८को गोगनपानि स्वास्थ्य चौकीमा १७ जना र वडा नम्बर ७ को आधारभुत स्वास्थ्य केन्द्रमा ३ जना , वडा नम्बर ६ का २ र वडा नम्बर ४ का २ जनाको बैरेनी स्वास्थ्य चौकीमा वडा नम्बर ५को आधारभुत स्वास्थ्य केन्द्रमा १ जना ,वडा नम्बर ३ को आधारभुत स्वास्थ्य केन्द्रमा ३ जना र वडा नम्बर २ को आधारभुत स्वास्थ्य केन्द्रमा ८ जनाको जाँच गरिएको बताउनुभयो । शनिबार गाउँपालिकामा टेस्ट किट उपलब्ध भएपछि आईतबार र सोमबार विदेश वाट २०७६ साल चैत्र महिनामा आएकाहरुको जाँच गरिएको हो । गाउँपालिकामा ४० वटा किट बागमती प्रदेश सरकारले उप्लब्ध गराएको गाउँपालिकाले बताएको छ ।
