धादिङ । आदर्श बहुमुखी क्याम्पस गजुरीको प्रमुखमा विष्णु प्रसाद कोइराला नियुक्त भएका छन् । धादिङको गजुरीमा रहेको क्याम्पसमा रिक्त रहेको पदमा कोइरालालाई नियुक्त गरिएको हो ।
क्याम्पस सञ्चालक समितिको अध्यक्ष एंव पुर्व स्थानिय विकास मन्त्री तथा प्रदेश सांसद राजेन्द्र प्रसाद पाण्डेको अध्यक्षतामा आज विहिबार बसेको समितिको बैठकले क्याम्पस प्रमुखमा कोइरालालाई नियुक्त गरेको हो । बाइस वर्ष शिक्षण पेशामा सेवा गरिसकेका कोइरालाले माध्यमिक विद्यालयको प्रधानाध्यापकको जिम्मेवारी समेत निर्वाह गरिसकेका छन् ।
