धार्के । धादिङको धुनिबेशी नगरपालिका वडा नम्वर ३ को महेशफाँटमा एक महिलामा कोरोना पुष्टि भएपछि शिल गरिने क्षेत्र तोकिएको छ । कोरोना देखिएपछि पूर्वमा चामेखोला, पश्चिम भालुखोला, उत्तर सेंढाईगाउँ र दक्षिणमा महेशखोला भित्रको क्षेत्रलाई सिल गर्ने तयारी गरेको धुनिबेशी नगरपालिकाका प्रमुख बालकृष्ण आचार्यले नागरिकपाटीलाई बताउनु भयो । उहाँले आज उक्त क्षेत्रमा गई स्थानियलाइ सम्झाई बुझाई गरेको र शिल गर्ने क्षेत्र तोकिएको बताउनुभयो । भोलि जिल्लाबाट आउने टोलीले आज तोकिएको क्षेत्रमा शील गर्ने उहाँको भनाई छ ।
