धादिङ । धादिङमा थप ९ जनामा कोरोना संक्रमण पुष्टि भएको छ । नीलकण्ठ नगरपालिकाका थप ९ जनामा सोमबार कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रबक्ता डा। जागेश्वर गौतमले बताए ।
संक्रमितहरु नीलकण्ठ नगरपालिका वडा नं २ का २८, २८ वर्षीय पुरुष, वडा नं ५ का २४, २४, २९ वर्षिय पुरुष, वडा नं ७ का २८, ३७ वर्षीय पुरुष, वडा नं १० का २८ वर्षीय पुरुष, वडा नं १४ का ३७ वर्षीय पुरुष छन् ।
गत जेठ ३० गते स्बाब संकलन गरी पिसिआर परिक्षणका लागि पठाइएको थियो । सहिद शुक्रराज ट्रपिकल तथा सरुवा रोग अस्पताल टेकु, काठमाडौँमा गरिएको परिक्षणमा रिपोट पोजेटिभ अर्थात कोरोना संक्रमण पुष्टि भएको हो ।
यो संगै धादिङमा कोरोना संक्रमितको संख्या ९२ पुगेको छ । संक्रमित मध्ये ५ जना निको भएर घर फर्किएका छन् भने अन्य उपचाररत छन् ।
