काठमाडौँ । भारतमा गरिएको एक अध्ययनले मनसुन र चिसो मौसममा कोरोनाको संक्रमण तिब्र गतिमा बढ्ने निष्कर्ष निकालेको छ । भारतको आइआइटी-भुवनेश्वर र एम्सका अनुसन्धानकर्ताहरुले गरेको अध्ययनमा यस्तो निष्कर्ष निकालिएको हो ।
यस अध्ययनमा बर्षाका कारण तापक्रम तल झर्ने र सर्दिको मौसममा कोरोना फैलिन अनुकुल मौसम हुने बताइएको छ । यस अध्ययनलाई आइआइटी-भुवनेश्वरका स्कुल अफ अर्थ, ओसियन एण्ड क्लाइमेट साइन्सका असिस्टेन्ट प्रोफेसर वी विनोजले नेतृत्व गरेका थिए ।
कोभिड स्प्रेड इन् इंडिया एण्ड इट्स डिपेन्डेन्ट्स अन टेम्पेरेचर एण्ड रिलोटिभ ह्युमीडिटी नाम दिइएको यस अध्ययनमा भारतका २८ राज्यमा कोरोना संक्रमण फैलिरहेको तरिकाको अध्ययन गरिएको थियो । साथै यस अध्ययनले तापक्रम बढ्दा संक्रमणको रफ्तार कम हुने पाइएको उल्लेख छ ।
भारतीय समाचार एजेन्सीले यस रिपोर्टलाई उल्लेख गर्दै समाचार सार्वजनिक गरेपनि यस अध्ययनको विस्तृत रिपोर्ट अझै बाहिर प्रकाशित नभएको बताइएको छ । अहिलेसम्म भारतमा १० लाख ८० हजार संक्रमित भएका छन् भने २६ हजार ८ सय जनाको ज्यान गएको छ ।
