काठमाडौं । धादिङमा पहिरोमा पुरिएर एकैपरिवारको तीन जनाको मृत्यु भएको छ । मृत्यु हुनेमा त्रिपुरासुन्दरी गाउँपालिका–६, गोलाङका २५ वर्षीय मिलन खाँड, उनकी श्रीमती २२ वर्षीया सम्झना र छोरी अन्दाजी दुई वर्षीया अञ्जिता खाँड छन् ।
राति आएको पहिरोले घर पुरिएर तीनै जनाको मृत्यु भएको जिल्ला प्रहरी कार्यालय, धादिङका डीएसपी रुपक खड्काले बताएका छन् । मँगलबार मात्र धादिङको गजुरी गाउँपालिका २ मलेखुमा गएको पहिरोमा परि १७ वर्षिया निरुता परियारको मृत्यू भएको थियो ।
