पुरानो धार्के । धादिङको धुनिबेशी नगरपालिका ५ मा भुवनेश्वरी खेल मैदानको शिलान्यास गरिएको छ । बिहिबार एक कार्यक्रमको आयोजना गरि नगरप्रमुख बालकृष्ण आचार्य र उपप्रमुख निरु खरेलले खेल मैदानको शिलान्यास गर्नुभएको हो । बागमती प्रदेश र धुनिबेशी नगरपालिकाको साझेदारीमा खेल मैदानको प्याराफिट निर्माण हुन लागेको नगरप्रमुख बालकृष्ण आचार्यले बताउनुभयो ।
जेसिका विल्डर्स प्रा.लि ले प्याराफिट निर्माणको जिम्मा पाएको छ । १ करोड २२ लाख ९५ हजार ८ सय २९ रुपैँयामा गत जेठ २८ गते सम्झौता भएकोमा यहि वर्षको पौष २७ गते निर्माण सम्पन्न गर्नुपर्नेछ । धादिङमै पहिलो प्याराफिट सहित निर्माण हुन लागेको खेलमैदानका कारण स्थानिय खेलप्रेमीहरु खुसी भएका छन् ।
भिडियो हेर्नुहोस् ।
