धादिङ । धादिङमा आज एकैदिन थप १० जनामा कोरोना भाइरस संक्रमण पुष्टि भएको छ । आज नीलकण्ठ नगरपालिकाका–३ का ४६ र ४७ वर्षिय पुरुष, नीलकण्ठ–२ का २७ वर्षिय पुरुष, धादिङ बस्ने गोरखा नगरपालिका–११ को ३२ वर्षिय पुरुष,ज्वालामुखी–५ का ३१ वर्षिय पुरुष र रुविभ्याली गाउँपालिका–१ का ३९ वर्षिय पुरुषमा संक्रमण पुष्टि भएको छ ।
त्यस्तै धुनिबेसी नगरपालिका–६ का ३३ वर्षिय पुरुष, धुनिबेसी–२ का ३८ वर्षिय पुरुष,गल्छी गाउँपालिका–८ का ८ वर्षिय बालक र गंगाजमुना गाउँपालिका वडा नं।५ का ३३ वर्षिय पुरुष रहेको स्वास्थ्य कार्यालय धादिङका हेल्थ असिस्टेन्ट मिलन रिजालले बताउनुभयो । यो सँगै धादिङमा जम्मा संक्रमितको संख्या १ सय ५५ पुगेको
यससँगै धादिङका १३ वटै स्थानीय तहमा कोरोना संक्रमित भेटिएका छन् । आज गंगाजमुना र रुविभ्याली गाउँपालिकाका १÷१ जना संक्रमित फेला परेका छन् । जसमा नीलकण्ठ नगरपालिकामा ७२ जना,ज्वालामुखी गाउँपालिकामा ३२ जना, त्रिपुरासुन्दरीमा २१ जना रहेका छन् । यस्तै सिद्धलेकमा ४ जना, नेत्रावती डबजोङमा ४, बेनिघाट रोराङका २ जना, गल्छीमा ४ जना, थाँक्रेमा ३ जना, धुनीबेसी नगरपालिकामा ४, गजुरीमा ४ जना, खनियाबासका ३,रुविभ्यालीका १ र गंगाजमुनामा १ जना गरी १ सय ५५ जना रहेका छन् ।
