तस्वीर: श्रीधर न्यौपानेको फेसबूकबाट ।
काठमाडौँ । सिन्धुपाल्चोकको जुगल गाउँपालिकामा भीषण पहिरो गएको छ। शुक्रबार बिहान जुगल गाउँपालिका २ लिदिको लामा टोलमा पहिरो जाँदा कम्तीमा २२ घर पुरिएका स्थानीय बासिन्दाले बताएका छन् ।
क्षतिको विवरण संकलन भइरहेको प्रहरीले जनाएको छ। शुक्रबार बिहान करिब ६ बजेतिर पहिरो खसेको बताइएको छ । पहिरोमा परेकाहरुको उद्धारका लागि नेपाली सेनाको हेलिकप्टर मगाइएको छ। घटनाको थप विवरण आउन बाँकी छ ।
