काठमाण्डौ । भारतमा कोरोना संक्रमितको संख्या ५० लाख भन्दा बढि पुगेको छ । कोरोना भाइरस महामारीबाट सर्वाधिक प्रभावित देशहरूको सूचीमा भारत अमेरिकापछि दोस्रो स्थानमा छ ।
अन्य देशको तुलनामा भारतमा कोभिड-१९ तीव्र गतिमा फैलिरहेको देखिएको छ । त्यहाँ मंगलबारसम्म निरन्तर पाँच दिन दैनिक ९०,००० भन्दा बढी संक्रमित फेला परेका छन् ।
कोभिड-१९ का कारणले भारतमा हालसम्म ८०,००० भन्दा बढी संक्रमितको मृत्यु भइसकेको छ । कोरोना संक्रमितको उपचारका लागि सघन उपचारका लागि अस्पतालमा शय्या र अक्सिजनको अभाव देखिएको बीबीसीले जनाएको छ । संक्रमित धेरै भए पनि संक्रमणबाट मृत्यु हुनेको संख्या अन्य मुलुकभन्दा कम रहेको छ ।
