धादिङ । लगातारको वर्षापछि पहिरो खस्दा नौबिसे-मुग्लिन र मुग्लिन-नारायणगढ सडक खण्डको ठाउँ ठाउँमा पहिरोका कारण सडक एक तर्फि सञ्चालन भएको छ । चितवनको इच्छाकामना गाउँपालिका ६ स्थित चार किलोमा पहिरो जादाँ सडक एक तर्फि सञ्चालन भएको हो । बुधबार राति पुनः पहिरो खसेपछि सडक एक तर्फि सञ्चालन भएको जिल्ला ट्राफिक कार्यालय चितवनका प्रमुख दयाकृष्ण भट्टले जानकारी दिए । ट्राफिक प्रमुख भट्टका अनुसार राति लेदोसहित पहिरो खसेको हो । पहिरो हटाएर सडक एक तर्फि सञ्चालनमा आएको बताएका छन ।
त्यसैगरी पृथ्वी राजमार्गको नौबिसे- मुग्लिन सडकखण्ड भने एकतर्फी खुलेको छ । उक्त सडकखण्डको कुरिनटारमा आएको पहिरो पन्छाएर बुधबार रातिबाट सडक एकतर्फी सञ्चालनमा आएको हो । त्यस्तै धादिङको बनिघाट रोराङको मझिमटार जोगिमारा लगायका ठाउँमा पहिरो आए पछि सडक एक तर्फि सञ्चालनमा आएको छ । लगातार पानी पर्न थालेपछि नारायणगढ मुग्लिन सडक र पृथ्वीराजमार्गका विभिन्न ठाउँमा पहिरोले सडक अवरुद्ध हुँदै आएको छ।
