धार्के । प्रयास नेपाल धादिङले ४१ औं सामाजिक सेवा दिवस २०७७ को अवसरमा मजदुरहरुका बालबालिकाको लागि खाद्यान्न सामाग्री सहयोग गरेको छ । धादिङको थाक्रे गाउँपालिका र धुनिबेशी नगरपालिकाका विपन्न तथा मजदुरका बालबालिकाहरुका लागि खाद्यान्न सामाग्री वितरण गरेको हो ।
संस्थाले सामाजिक सेवा दिवसको अबसरमा थाक्रेको आग्रा खोलामा ढुङगा गिटीको काम गर्ने, थाक्रे ७ का विपन्न चेपाङ समुदाय र धुनिबेशीका विभिन्न ईट्टा उद्योगमा काम गर्ने मजदुरका बालबालिकाहरुलाई २५ किलोग्राम बराबरको एक बोरा चामल, दाल २ किलोग्राम, नुन १ किलोग्राम र खानेतेल १ लिटर वितरण गरिएको प्रयास नेपाल धादिङका कार्यकारी निर्देशक दामोदर अर्यालले बताउनुभयो ।
थाक्रेको आग्रा खोला किनारमा गिट्टी कुट्ने मजदुरको २६ जना बालबालिका, थाक्रे गाउँपालिका वडा नम्बर ७ का विपन्न चेपाङ समुदायका १३ जना, थाक्रे ६ रानिबारीका तामाङ, भुजेल र दलित समुदायका ११ जना, धुनिबेशी नगरपालिकाको बच्छलादेवी ईट्टा उद्योगका ७ जना, शुभलाभ ईट्टा उद्योगका ७ जना, महालक्ष्मी ईट्टा उद्योगका ४ जना, रक्तकाली ईट्टा उद्योगका २ जना, स्वर्ण ईट्टा उद्योगका ८ जना र शिभम् ईट्टा उद्योगका ७ जना बालबालिकाहरु लाई खाद्यान्न सामाग्री वितरण गरिएको छ ।
दुई स्थानिय तहमा गरि ८५ जना बालबालीका लाई खाद्यान्न सामाग्री सहयोग गरिएको प्रयास नेपाल धादिङका कार्यकारी निर्देशक अर्यालको भनाई छ ।
फोटो फिचर...
