धादिङ । धादिङका थप ५ जनामा कोरोना संक्रमण पुष्टि भएको छ । आज धादिङको नेत्रावती डबजोङ गाउँपालिकाका २ जना, त्रिपुरासुन्दरी गाउँपालिकाका २ जना र थाक्रे गाउँपालिकाका १ जनामा संक्रमण पुष्टि भएको हो ।
संक्रमितहरुमा नेत्रावती डबजोङ गाउँपालिका वडा नं १ का ५१ वर्षीय महिला र ५४ वर्षीय पुरुष, त्रिपुरासुन्दरी गाउँपालिका वडा नं ६ का ३६ वर्षीय पुरुष, वडा नं २ का ३० वर्षीय पुरुष र थाक्रे गाउँपालिका वडा नं २ का २० वर्षीय पुरुष रहेको स्वास्थ्य कार्यालय धादिङका हेल्थ असिस्टेन्ट मिलन रिजालले जानकारी दिनुभयो । यो सँगै धादिङमा जम्मा संक्रमितको सङ्ख्या ४ सय १२ पुगेको छ ।
