धादिङ । धादिङका थप २२ जनामा कोरोना संक्रमण पुष्टि भएको छ । आज धादिङको नीलकण्ठ नगरपालिकाका १५ जना, गल्छि गाउँपालिकाका २ जना, थाक्रेका २ जना, गजुरीका २ जना र बेनिघाट रोराङमा १ गरी २२ जनामा संक्रमण पुष्टि भएको छ ।
थपिएका संक्रमितहरुमा नीलकण्ठ नगरपालिका वडा नं ९ की २६,२६ बर्षिया महिला,२१,२५ बर्षिय पुरुष, वडा नं ८ की १८,४३ बर्षिया महिला र४८ बर्षिय पुरुष,वडा नं ११ का ३७ बर्षिय पुरुष,वडा नं ३ का २३,३३ बर्षिय पुरुष र ४८ बर्षिया महिला, ४३ र ४६ बर्षिय पुरुष,वडा नं ४ का २८ बर्षिय पुरुष,वडा नं ५ का २१ बर्षिय पुरुष रहेको स्वास्थ्य कार्यालय धादिङका हेल्थ असिस्टेन्ट मिलन रिजालले जानकारी दिनुभयो ।
यस्तै थाक्रे गाउँपालिका वडा नं ६ का २४ बर्षिया महिला र ३२ बर्षिय पुरुष, गल्छि–६ का २७,३६ बर्षिय पुरुष, गजुरी–२ का ३४ बर्षिय पुरुष र वडा नं ६ को ५१ बर्षिय पुरुष र बेनिघाट रोराङ–७ का २४ बर्षिया महिला रहेको रिजालले जानकारी दिनुभयो । यो सँगै धादिङमा जम्मा संक्रमितको सङ्ख्या ४ सय ६८ पुगेको छ ।
