गजुरी । गजुरी गाउँपालिकाले आफ्नो गाउँपालिकामा रहेका बिपन्न र मध्यमवर्गीय परिवारका महिलाहरुलाई लक्षित गरी सीपमुलक र आयमुलक तालिम कार्यक्रम सञ्चालन गरेको छ ।
विश्वव्यापी महामारीको रुपमा फैलिएको कोरोना भाइरसको महामारीकाबीच गजुरी बजारमा सामाजिक दुरी कायम गर्दै नेपाल सरकारद्वारा जारी स्वास्थ्य मापदण्डको पालना गरि १० दिने तालिम सम्पन्न गरेको छ ।
कोरोना भाइरसको संक्रमणको जोखिमका बीच गाउँपालिकाले बिभिन्न वडाहरुबाट समाबेस गरि महिलाहरुलाई आयआर्जनमा सक्षम बनाउने लक्ष्य सहित करिब २५ जना महिलाहरुलाई महिला उद्यमशिल तथा सीपमुलक गुडिया तथा कुसन बनाउने सम्बन्धी तालिम दिइएको हो ।
तालिम कार्यक्रमको उद्घाटन तथा समापन दुबै कार्यक्रमका प्रमुख अतिथी गजुरी गाउँपालिकाका अध्यक्ष राजेन्द्र बिक्रम बस्नेतले तालिम पश्चात गजुरी गाउँपालिकाको आयोजनामा समेत सीपमुलक तालिम प्राप्त महिलाहरुले महत्वपूर्ण भूमिका निर्वाह गर्ने बताए ।
तालिम कार्यक्रमलाई सफलतापूर्वक सम्पन्न गर्ने कार्यमा अहोरात्र खटिएका प्रशिक्षक तथा तालिम प्राप्त महिलालाई प्रमुख अतिथि बस्नेतले प्रमाणपत्र प्रदान गरेका थिए । कार्यक्रममा गाउँपालिकाकी उपाध्यक्ष सीता ढुगाना वडा नम्बर १ का वडा अध्यक्ष समुहका व्यतिmहरुको सहभागीता रहेको थियो ।
