धादिङ । गजुरीबजारबाट ६ केजी चरेश सहित दुईजना पक्राउ परेका छन् । आज सोमबार दिउँसो करिब १ बजे गजुरी गाउँपालिका वडा नं.१ स्थित गजुरीबजारबाट ईलाका प्रहरी कार्यालय गजुरीले चरेश सहित दुईजनालाई पक्राउ गरेको हो।
पक्राउ पर्नेमा धादिङको नीलकण्ठ नगरपालिका वडा नं ६ सुनौला बजारका २२ वर्षिय दिलिप दाहाल सोही ठाउँका २० वर्षिय राजन परियार रहेको प्रहरीले जनाएको छ ।
गल्छीबाट मुग्लिङ तर्फ जाँदै गरेको ग १५ प ३३५० नम्बरको स्कुटरलाई रोकी चेकजाँच गर्ने क्रममा लुकाई छिपाई राखेको उक्त परिणामको लागूऔषध चरेश फेला परेपछि उनीहरुलाई पक्राउ गरिएको प्रहरीले बताएको छ ।
