धार्के । जिल्ला सहकारी संघ धादिङको अध्यक्षमा रामचन्द्र आचार्य निर्वाचित हुनुभएको छ । आज शनिबार जिल्ला सहकारी संघको २० औँ साधारण सभा तथा अधिवेशनले आचार्यको अध्यक्षतामा १५ सदस्यीय कार्यसमिति निर्विरोध निर्वाचित गरेको हो । जसको वरिष्ठ उपाध्यक्षमा गङ्गा विसुराल, महिला उपाध्यक्षमा भवानी बर्मा(तिमिल्सिना), सचिवमा युवराज थपलिया र कोषाध्यक्षमा कमलराज कंडेल निर्वाचित हुनुभएको छ । जिल्ला सहकारी संघका अध्यक्ष नेत्रराज पौडेलको अध्यक्षतामा भएको साधारण सभा तथा अधिवेशनको प्रमुख अतिथिमा केन्द्रीय सहकारी संघका अध्यक्ष मिनराज कंडेल रहनुभएको थियो ।
