गल्छि । धादिङको गल्छि गाउँपालिकाले शिक्षण स्वँयसेवक कोटामा छनौट भएका उम्मेदवारहरुलाई नियुक्ति तथा पदस्थापन कार्यक्रम गरेको छ । ६ जना निम्न माध्यमिक विद्यालय र १६ जना माध्यमिक विद्यालय कोटा गरि जम्मा २२ जना सफल उम्मेदवारहरुका लागि नियुक्ति तथा पदस्थापन कार्यक्रम गरिएको गाउँपालिकाले जनाएको छ ।
२०७७ असोज ९ गते विज्ञापन गरि कोभिडका कारण मंसिर २२ गते माध्यमिक तह अन्तर्गत विज्ञान, लेखा, गणित, नेपाली, सामाजिक, अँग्रेजी र २३ गते निम्न माध्यमिक अन्तर्गत अँग्रेजी, गणित र नेपाली विसय विज्ञहरुको उपस्थितिमा सोही दिन परिक्षा लिई नतिजा प्रकाशित गरिएको गल्छी गाउँ पालिकाको प्रा.स. प्रदिप पराजुलीले जानकारी दिनुभयो।
नियुक्ति तथा पदस्थापन कार्यक्रमको अध्यक्षता गाउँपालिका अध्यक्ष कृष्णहरी श्रेष्ठले गर्नुभएको थियो । उहाँले सफल उमेद्वारहरुलाई विद्यार्थीहरुको उज्वल भविष्य बनाउन शुभकामना व्यक्त गर्नु भएको छ । त्यसै गरी उपाध्यक्ष राधा तिमिल्सिना (लामिछाने) ले पनि शुभकामना दिनु भएको थियो । भने शिक्षा अधिकृत बुद्धि प्रसाद भट्टले सफल उमेद्वारहरुलाई पुस १ गते देखि तोकिएको विद्यालयमा हजिर भै पठन पाठ्न सुरु गर्न निर्देशन समेत दिनुभएको छ ।
