शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

धादिङको धुँवाकोटमा माघे संक्रान्तीमा १८ हल गोरु जुधाइने

धादिङको धुँवाकोटमा माघे संक्रान्तीमा १८ हल गोरु जुधाइने

नागरिक पाटी

२९, पौष २०७७
  • 7.3K
    SHARES
  • धादिङको धुँवाकोटमा माघे संक्रान्तीमा १८ हल गोरु जुधाइने

    धादिङ । नीलकण्ठ नगरपालिका वडा नं. १४ धुँवाकोटमा माघे संक्रान्तीको अवसरमा मा १८ हल गोरुको गोरु जुधाइने भएको छ । नीलकण्ठ नगरपालिकाको सहयोगमा संस्कृति संरक्षण तथा पर्यटन प्रवद्र्धन केन्द्रको आयोजनामा हुने गोरु जुधाइ महोत्सव तथा कृषि प्रदर्शनीमा १८ हल गोरुबिच प्रतिष्पर्धा हुने भएको हो ।

    images

    महोत्सवमा सहभागी १८ हल गोरुलाई तीन समूहमा विभाजन गरेर प्रतिष्पर्धा गराउन लागिएको आयोजक संस्था संस्कृति संरक्षण तथा पर्यटन प्रवद्र्धन केन्द्रका अध्यक्ष शिव कुमार श्रेष्ठले जानकारी दिनुभयो । जसमा पहिलो समूहमा रहेका ४ हल गोरुबिचको भिडन्तमा जित्ने गोरुलाई १२ हजार र हार्ने गोरुलाई १० हजार नगद प्रदान गरिने छ ।

    त्यसैगरी दोस्रो समूहमा रहेका ७ हल गोरुका भिडन्तमा जित्ने गोरुलाई १० हजार र हार्ने गोरुलाई ८ हजार नगद प्रदान गरिने छ । यसका साथै तेस्रो समूहमा परेका ७ हल गोरुको भिडन्तमा क्रमशः जित्ने र हार्ने गोरुलाई ७ हजार र ५ हजार नगद प्रदान गरिने छ । यसका साथै सबै गोरुका गोरुधनीलाई प्रमाणपत्र समेत प्रदान गरिने अध्यक्ष श्रेष्ठले जानकारी दिनुभयो ।

    गोरु जुधाइ महोत्सवका लागि धुँवाकोटका साथैसाथै खाल्टे, मार्पाक, सेमजोङ, कटुञ्जे तथा गोरखा र नुवाकोटको तारुकाबाट समेत गोरु दर्ता गरिएको आयोजकले जनाएको छ । हिजो मंगलबार धादिङवेशीमा कार्यक्रमका बारेमा जानकारी दिने उद्देश्यले आयोजित पत्रकार सम्मेलनमा कार्यक्रमको सम्पूर्ण तयारी पुरा भएको आयोजक केन्द्रका अध्यक्ष श्रेष्ठले जानकारी दिनुभयो । महोत्सवमा गोरु जुधाइका साथमा स्थानीयस्तरमा उत्पादित कृषि उपजहरुको समेत प्रदर्शन गरिनेछ ।

    images
    images
    images
    images
    प्रकाशित मिति :पौष २९, २०७७ बुधवार - १९:५४:४९ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology