जलेश्वर । कोल्पुखोलाको हाँडिरहमा बिहिबार आजदेखी धार्मिक तथा साँस्कृतिक जलेश्वर मेला सुरु भएको छ । सर्वशक्तिमान जलेश्वर सँस्थाको आयोजनामा धादिङको थाक्रे गाउँपालिका र नुवाकोटको बेलकोटगढी नगरपालिकाको सिमाना कोल्पुखोलाको हाँडिरहमा जलेश्वर मेला सुरु भएको हो ।
मेलाको उद्घाटन पशुपती क्षेत्र विकास कोषका कार्यकारी निर्देशक डा. घनश्याम खतिवडाले गर्नुभएको छ । उद्घाटन कार्यक्रम पछि डा. खतिवडाले ऐतिहासिक जलेश्वर क्षेत्रको विकासका लागि आफुहरुको तर्फबाट साथ र सहयोग रहने बताउनुभएको छ ।
मेलामा भोली शक्रबार विभिन्न धार्मिक प्रवचन, तथा साँस्कृतिक कार्यक्रम रहने आयोजकले जनाएको छ । हरेक वर्ष श्री स्वस्थानी व्रतकथाको समाप्तको दिन सकिने गरि हुँदै आएको मेला पर्सि शनिबार समापन हुने सँस्थाका अध्यक्ष होमनाथ पुडासैनीले बताउनुभएको छ ।
कार्यक्रममा दुखीको यात्रा फिल्मका उद्धव प्रसाद मिश्र, सञ्चार विज्ञ गँगा पोखरेल, बेलकोटगढी ३ का वडा अध्यक्ष जनक प्रसाद घिमिरे लगायत विभिन्न स्थानबाट भक्तजनहरुको सहभागिता रहेको थियो ।
