महादेववेशी । धादिङको थाक्रे गाउँपालिकाले आज (शुक्रबार) आठौँ गाउँसभा सम्पन्न गरेको छ । गाउँपालिकाको सभाहलमा गरिएको गाउँसभा मार्फत बजेट कार्यान्वयनको अवस्थाको बारेमा प्रगती समिक्षा सहित विभिन्न विधेयक र प्रस्ताव पारित गरिएको हो । सभामा चालु आर्थिक वर्षको कुल पुँजिगत खर्च रकम ४७ करोड ४९ लाख ७ हजार मध्ये हालसम्म १० करोड ७ लाख ६५ हजार खर्च भएकोमा पुँजिगत तर्फ ३७ करोड ४१ लख ४१ हजार रुपैँया मौज्दात रहेको जानकारी गाउँपालिका अध्यक्ष रामकुमार आचार्यले गराउनुभएको छ ।
यसैगरी विनियोजित कुल चालु खर्च रकम १८ करोड ४७ लाख ७३ हजार मध्ये हालसम्म ८ करोड ७२ लाख ३६ हजार रुपैँया खर्च भएको छ । चालु खर्च तर्फ मौज्दात रकम ९ करोड ७५ लाख ३६ हजार रुपैैँया रहेको सभामा जानकारी गराईएको छ ।
सभामा चालु आर्थिक वर्षको माघ मसान्त सम्म भौतिक पुर्वाधार विकास तर्फ २३५ वटा योजना रहेकोमा ८४ वटाको सम्झौता र ५४ वटाको अन्तिम भुत्तानी भईसकेको जानकारी गराईएको छ ।
यस्तै सभामा शशर्त र चालु अनुदान, सँघिय तथा प्रदेश सरकारबाट हस्तान्तरित कार्यक्रमका साथै गाउँपालिकाको शिक्षा, स्वास्थ्य, कृषी, पशु, महिला तथा बालबालिका शाखा सँगै सामी परियोजना अन्तर्गत विभिन्न योजना र योजनाको कार्यान्वयन चरण तथा सम्पन्नको अवस्थाको विषयमा जानकारी गराईएको छ ।
यस्तै सभा मार्फत विभिन्न १० वटा विधेयक र १ वटा शोक प्रस्ताव पारित गरिएको छ । सभामा गाउँपालिका उपाध्यक्ष अम्बिका रुपाखेतीले सँशोधित विनियोजन विधेयक, सँशोधित आर्थिक विधेयक, बालबालिका सम्बन्धी विधेयक, विपद जोखिम न्युनिकरण तथा व्यवस्थापन गर्न बनेको विधेयक, विवाद निरुपण विधेयक प्रस्तुत गर्नुभएको थियो ।
यस्तै उहाँले पुर्वाधार विकास व्यवस्थापन विधेयक, औधोगिक व्यवसाय विधेयक, सार्वजनिक निजि साझेदारी सम्बन्धमा व्यवस्था गर्न बनेको विद्येयक, सँस्था दर्ता विद्येयक, तथ्याँक तथा अभिलेख व्यवस्थापन विद्येयक सभामा प्रस्तुत गर्नुभएको थियो । प्रस्तुत उक्त विधेयकहरु गाउँपालिका अध्यक्ष रामकुमार आचार्यले सभामा पेश गर्नुभएपछि सर्वसम्मतीले पास भएको छ ।
यस्तै सभा मार्फत शोक प्रस्ताव पनि पारित भएको छ । वडा नम्बर २ का वडा सदस्य राममाया तामाङको असामयिक निधन भएकाले गाउँसभा मार्फत शोक प्रस्ताव पारित गरिएको गाउँपालिकाले जनाएको छ ।
प्रमुख प्रशासकिय अधिकृत बलराम लम्सालले सञ्चालन गर्नुभएको कार्यक्रममा जिल्ला समन्वय समितका सदस्य उर्मिला रुपाखेती, विभिन्न वडाका अध्यक्षहरु, कार्यपालिका सदस्यहरु, वडा सदस्यहरु लगायतको सहभागिता रहेको थियो ।
