काठमाडौँ । सर्वोत्तम सिमेन्टको मुख्य बिक्री प्रबन्धकमा ग्लोबल आईएमई क्यापिटल नियुक्त भएको छ । कम्पनीले जारी गर्न लागेको प्राथमिक निष्कासन (आईपीओ) का लागि ग्लोबल आईएमई क्यापिटलको नेतृत्वमा एनआईबीएल एस क्यापिटल र प्रभु क्यापिटललाई सहायक बिक्री प्रबन्धक नियुक्त गरिएको हो ।
बिहीबार कम्पनी र बिक्री प्रबन्धकबीच सेयर निष्कासन सम्बन्धमा सम्झौता भएको हो । कम्पनीले ६० लाख कित्ता सेयर निष्कासन गर्न लागेको हो । त्यसमध्ये संस्थागत लगानीकर्तालाई २४ लाख, स्थानीय जिल्लावासीलाई ८ लाख कित्ता र कम्पनीका कर्मचारी तथा अन्य सर्वसाधारणलाई २८ लाख कित्ता सेयर वितरण गर्ने कम्पनीले जनाएको छ ।
