महादेववेशी । सहयोगी हातहरुको समूह (सहास) नेपालले थाक्रे गाउँपालिकामा बार्षिक समिक्षा बैठक सम्पन्न गरेको छ । सँस्थाले थाक्रे गाउँपालिकामा संचालन गरिरहेको स्थानिय प्रयासमा जिबिकोपार्जन सुधार परियोजना (ईल्लिप) अन्तर्गत बिभिन्न ४५ वटा समूहमा भए गरेका गतिबिधि र त्यसको उपलब्धिको बारेमा जानकारी गराउने साथै आगामी दिनका लागी सल्लाह सुझावका लागि समिक्षा बैठक गरिएको हो ।
परियोजना अधिकृत हरि प्रसाद अधिकारीले परियोजनाका प्रगति प्रस्तुत गर्नुभएको थियो । उहाँले मुख्यत घरबगैंचा ब्यवस्थापन, प्राङ्गारिक खेतीका लागी सिप र प्रबिधि साथै आयआर्जनका कृयाकलापहरुमा केन्द्रित हुँदै परियोजना सञ्चालन भैरहेको विवरण प्रस्तुत गर्नुभएको हो । यस्तै परियोजना अधिकृत अधिकारीले जलवायु उत्थानशिल गाउँको अभियान र जलावायुमैत्रि प्रबिधिको प्रयोगमा जोड दिँदै उत्थानशिल गाउँ बनाउने अभियानमा सहयोग गरिरहेको बताउनुभएको छ ।
यस संगै परियोजनाका गतिबिधीहरु कसरी जलवायु अनुकुलनमैत्रि छन् भन्ने बारेमा प्राबिधिक अधिकृत मनिक्षा आचार्यले प्रस्तुती गर्नुभएको छ ।
समुहको प्रतिनिधित्व गर्दै आउनुभएका कृषकहरुले परियोजनाका गतिबिधिले आफ्नो गाउँमा कृषि र आयआर्जनका लागि प्राबिधिक सहयोगले धेरै सहज भएको र आयआर्जनका कार्यले खेति प्रबिधि, उत्पादन र आम्दानी बढाउन सहयोग भएको कुरा बताएका छन् ।
यस्तै संस्थाका गतिबिधि समुदायमा प्रभावकारी रहेको र योजना गर्दा गाउँपालिका संगै बसेर संयुक्त रुपमा जाने गरि गर्दै अघि बढ्दा अझ सामुदायिक परिचालन र प्राबिधिक सेवा प्रभावकारी हुने प्रमुख प्रशासकिय अधिकृत बलराम लम्सालले बताउनु भएको छ ।
प्रस्तुती र कृषकहरुको अनुभव सुन्दा कार्यक्रम निकै प्रभावकारी रहेको भन्दै जिल्ला समन्व्य समिती सदस्य उर्मिला रेग्मीले संस्थाको कार्यक्रम प्रभावकारी हुन्छ भनी जे अपेक्षा थियो सोहि अनुसार काम भईरहेको र आगामी योजना गर्दा संयुक्त योजना तयारी गरि जाने पनि बताउनु भएको छ ।
यस्तै गाउँपालिका उपाध्यक्ष अम्बिका रुपाखेतीले परियोजनाले समुदायमा प्रभावकारी काम गरेको भन्दै समुदाय लक्षित क्रियाकलापलाई गाउँपालिकाले सँधै साथ दिने बताउनुभएको छ ।
फिल्डमा गएर अनुगमन गर्दा र आजको प्रस्तुती हेर्दा समुदायमा भएका कार्यहरुले समुदायले निकै फाईदा लिईरहेको गाउँपालिका अध्यक्ष रामकुमार आचार्यले बताउनु भएको छ । संस्थाहरुले गर्ने कार्यक्रम छुट्टै र गाउँपालिकाको कार्यक्रम छुट्टै होईन र हुनु हुँदैन भन्ने उहाँको जोड छ ।
गाउँपालिका अध्यक्ष रामकुमार आचार्यको अध्यक्षतामा भएको कार्यक्रममा गाउँपालिका उपाध्यक्ष अम्बिका रुपाखेती, जिल्ला समन्वय समितीका सदस्य उर्मिला रेग्मी, प्रमुख प्रशासकिय अधिकृत बलराम लम्साल, वडाध्यक्षहरु, कार्यपालिका सदस्यहरु र बिषयगत शाखाका प्रमुखहरुको सहभागीता रहेको थियो ।
अन्य समाचार पनि हेर्नुहोस्...
सहास नेपालद्धारा थाक्रेका विभिन्न समुहमा संयुक्त फिल्ड अनुगमन सँगै अन्तरक्रिया र सामाग्री वितरण
थाक्रेमा सहास नेपालद्धारा ११ जनालाई ३३ वटा बाख्रा वितरण
सहास नेपालद्वारा मानविय सहायताको लागि थाक्रे गाउँपालिकालाई ३ लाख ४३ हजार आर्थिक सहयोग
सहास नेपालको सक्रियता : थाक्रेका ११ वटा स्वास्थ्य संस्थाहरुको लागी स्वास्थ्य सामाग्री प्रदान
थाँक्रे गाउँपालिकाको मानविय सहायताका लागी सहास नेपाल द्धारा ५० हजार नगद सहयोग
सहास नेपालको अनुरोध : 'कोरोना रोगको सँक्रमण हुनबाट आफु बचौँ र अरुलाई पनि बचाऔँ'
