काठमाण्डौं । काठमाण्डौं उपत्यकाका तीन जिल्ला काठमाण्डौं, ललितपुर र भक्तपुरमा निषेधाज्ञा लागू हुने भएपछि विभिन्न जिल्लाबाट काठमाडौं आएकाहरू घर फर्कन थालेका छन् ।
सोमबार काठमाडौं, ललितपुर र भक्तपुरका प्रमुख जिल्ला अधिकारीको संयुक्त बैठकले १६ वैशाखदेखि निषेधाज्ञा जारी गर्ने निर्णय गरेको छ ।
कोरोनाको संक्रमण तीव्र रूपमा फैलिएको र त्यसको "चेन ब्रेक"का लागि भन्दै उपत्यकामा निषेधाज्ञा लगाइएको हो । निषेधाज्ञा लागेपछि पेशा व्यवसाय बन्द हुने भएकाले मानिसहरू घर फर्कन थालेका छन् । काठमाडौंको नयाँ बसपार्कमा अहिले घर फर्कनेहरूको घुइँचो लागेको छ ।
