धार्के । धादिङको धुनिबेशीमा कोरोना सँक्रमणका कारण २ जनाको मृत्यु भएको छ । धुनिबेशी नगरपालिकाको स्वास्थ्य शाखाका अनुसार वडा नम्बर ३ र वडा नम्बर ८ का पुरुषको कोरोना सँक्रमणका कारण मृत्यु भएको हो । यो सहित धादिङमा मँगलबार ५ जनाको मृत्यु भएको छ ।
स्वास्थ्य कार्यालय धादिङका अनुसार धुनिबेसी नगरपालिकामा २ जना पुरुष सहित निलकण्ठ नगरपालिकामा २ जना पुरुष र सिद्धलेक गाउँपालिकामा १ जना पुरुष गरि ५ जनाको मृत्यु भएको हो । यो सँगै जिल्लामा कोरोनाका कारण मृत्यु हुनेको सँख्या ३३ पुगेको छ ।
यस्तै पछिल्लो २४ घण्टामा जिल्लामा थप १३७ जनामा कोरोना सँक्रमण पुष्टि भएको छ । स्वास्थ्य कार्यालयका अनुसार धुनिबेसी नगरपालिकामा ७, गल्छी गाउँपालिकामा २९, गजुरी गाउँपालिकामा २, बेनिघाट रोराङ्ग गाँउपालिकमा १, ज्वालामुखीमा गाउँपालिकामा ३८, गंगाजमुना गाउपालिकामा १, नेत्रावती गाउपालिकामा २४ र धादिङ्ग अस्पतालमा २४ पोजिटिभ केश देखिएको छ। यसैगरी जिल्ला बाहिरको पोजिटिभको संख्या ११ रहेको छ ।
मँगलबार डिस्चार्ज हुनेको संख्या भने ३१ रहेको स्वास्थ्य कार्यालयले जनाएको छ । जिल्ला भित्र ८८२ र जिल्ला बाहिर २८८ गरेर धादिङ्गको जम्मा सक्रिय केश ११७० पुगेको छ । जिल्ला भित्र हस्पिटल आसोलेसनमा १७, संस्थागत आइसोलेसन धुनिबेसिमा १, गल्छीमा २, त्रिपुरासुन्दरीमा ३, रुबिभ्यालिमा ५, गजुरीमा ५, बेनिघाट रोराङ्गमा ६, गंगाजमुनामा २ जना रहेका छन् भने जिल्ला भित्र होम आइसोलेसनमा ८४१ रहेका छन्। त्यसैगरी जिल्ला बाहिर हस्पिटल तथा संस्थागत आइसोलेसनमा २६ र होम आइसोलेसनमा २६२ जना रहेका छन् ।
धुनिबेसी नगरपालिकामा १६, गल्छी गाउपालिकामा ७८, गजुरी गाउपालिकामा १०, रुबिभ्याली गाउपालिकामा ९ र गंगाजमुना गाउपालिकामा ३६ गरि आज जिल्ला भित्र १४९ स्वाब संकलन भएको जनाईएको छ ।
