कविता : लुट
एता पनि लुट छ हजुर
उता पनि लुट छ
लुट गर्ने मान्छेको
बोली सधैँ बिक्छ ।
ढुकुटीको पैसा जति
गर्छन् आफल ताफल
विकास गर्ने पैसा हुन्छ
जँड्याहाको काफल
हामी पनि त्यस्तै हजुर
जँड्याहालाई मान्ने
फटाहाको संसार छ
उनै हुन्छन् जान्ने
जनताको दुःखभन्दा
आफ्नै भुँडी भर्ने
गरिब दुःखी जनता चाहिँ
पिल्सिएर मर्ने
भ्रष्टाचारी, बलात्कारी
सधैँ पाउने छुट
गाउँदेखि सहरसम्म
सकेसम्म लुट ।
✍️ हरिकृष्ण सिलवाल
नमोबुद्ध नगरपालिका ४, काभ्रेपलाञ्चोक
