धादिङ । धादिङमा आज ९३ जना डिस्चार्ज भएसँगै जिल्लामा संक्रमणमुक्त हुनेको सङ्ख्या ४ हजार ३७४ सय पुगेको छ । त्यस्तै जिल्लामा थप ७२ जनामा कोरोना संक्रमण पुष्टि भएको छ ।
पछिल्लो २४ घण्टाको विवरण अनुसार जिल्लाको ज्वालामुखीका २१, सिद्धलेकका १८, धादिङ अस्पतालमा १२, गल्छीका १, त्रिपुरासुन्दरीका ५, गंगाजमुनाका ११, नेत्रावतीका १ र रुबिभ्यालिका ३ जना गरी आज जिल्ला भित्र ७२ पोजिटिभ केश देखिएको स्वास्थ्य कार्यालय धादिङले जनाएको छ । ७२ जना मध्ये ५१ जना पीसिआर परिक्षणमा संक्रमण पुष्टि भएको हो भने २१ जनाको एन्टिजिन किट परिक्षणमा पोजिटिभ देखिएको हो ।
यससँगै जिल्लामा सक्रिय केश १ हजार ५० पुगेको छ । संक्रमित मध्ये ९०९ जना जिल्ला भित्र र १४१ जना जिल्ला बाहिरका बिभिन्न आईशोलसनमा रहेका छन् । यससँगै जिल्लाभर हालसम्म कोरोना संक्रमित हुनेको सङ्ख्या भने ५ हजार १७२ पुगेको छ ।
जिल्ला भित्र अस्पताल आइसोलेसनमा २७, संस्थागत आइसोलेसनमा ३३ र होम आइसोलेसनमा ८४९ जना रहेका छन् । जिल्ला बाहिर अस्पताल आइसोलेसनमा ३० र होम आइसोलेसनमा १११ जना रहेका छन्।
त्यस्तै जिल्लामा मृत्यु संख्या ६३ पुगेको छ। जिल्लामा आज १५४ स्वाब संकलन भएको छ भने ४८ एन्टिजेन परिक्षण भएको छ। हाल जिल्लाभरका २०० जनाको नतिजा आउन बाँकी रहेको स्वास्थ्य कार्यालय धादिङले जनाएको छ।
