धादिङ । धादिङबेशीमा रहेका ३ ओटा र गजुरीमा रहेको एउटा गरी ४ ओटा बेकरीको अनुगमन गरिएको छ । संयुक्त बजार अनुगमन टोलीले शुक्रबार गरेको अनुगमनमा सबै बेकरीको अवस्था सामान्य रहेको जनाईएको छ । यद्यपी बेकरी सञ्चालकहरुलाई भने सरसफाई र उत्पादनस्थलमा स्वास्थ्य तथा सुरक्षाका मापदण्ड पुरा गर्न अनुरोध गरिएको छ ।
यस्तै उद्देश्य विपरीत व्यवसाय संचालन गरेको र घरेलु मदिरा समेत बिक्री गरिरहेको पाइएकोले गजुरी गाउँपालिकाको मिलनटारमा रहेको बराई किराना पसललाई रु. ५००० जरिवाना गरी घरेलु मदिरा नष्ट गरिएको छ ।
पछिल्लो १ महिना देखी बजार अनुगमन टोलीले निरन्तर अनुगमन गरिरहेको छ । उपभोक्ता स्वास्थ्यप्रति हेलचेक्र्याइँ गर्ने फर्म तथा पसलहरुलाई जरिवाना पनि गर्दै आएको सहायक प्रमुख जिल्ला अधिकारी तथा अनुगमन टोलीका सँयोजक गोकर्ण प्रसाद उपाध्यायले बताउनुभयो ।
यो पनि :
धादिङमा बजार अनुगमन : ३५ ओटा पसल तथा फर्मलाई ५० हजारसम्म जरिवाना, कसलाई कति जरिवाना ?
उपभोक्ताको गुनासो पछि धादिङबेसीको लक्ष्मी बेकरी उद्योगमा अनुगमन, उद्योगलाई २० हजार जरिवाना
धादिङमा बजार अनुगमनको २७ औं दिन : लामिछाने किराना स्टोरलाई ५० हजार जरिवाना
धादिङमा बजार अनुगमन : धार्के, खानीखोला र सिम्लेको पसलबाट ठुलो सङ्ख्यामा म्याद गुज्रिएका सामान जफत
गल्छि र थाक्रे गाउँपालिकाको खाद्यान्न तथा औषधी पसलमा अनुगमन, कुन पसललाई कति जरिवाना र जफत ?
