काठमाण्डौँ । मनकामना स्मार्ट लघुवित्त वित्तीय संस्थाले १७ असार देखि सर्वसाधारणका लागि आईपीओ निश्कासन गरेको छ । कम्पनीले चुक्ता पुँजीको ३२.११ प्रतिशत शेयर जारी गरेको हो ।
प्रतिकित्ता १०० अंकित मूल्यका ३ लाख ८९ हजार कित्ता अर्थात ३ करोड ८९ लाख रुपैयाँ बराबरको साधारण शेयर जारी गरेको कम्पनीले ६ हजार ५८ कित्ता कर्मचारी र १९ हजार ४ सय ५० कित्ता सामुहिक लगानी कोषहरूको लागि छुट्याएइको छ । बाँकी रहेको ३ लाख ६३ हजार ४९२ कित्ताको लागि मात्र सर्वसाधारणले आवेदन दिन पउनेछन् । लगानीकर्ताले न्यूनतम १० कित्तादेखि अधिकतममा १ हजार कित्तासम्मका लागि आवेदन दिन सक्नेछन्।
कम्पनीमा नेपाल धितोपत्र बोर्डबाट सि आस्बा अनुमति प्राप्त बैंक तथा वित्तीय संस्था र तिनका शाखा कार्यालयका साथै मेरोशेयर सफ्टवेयरबाट आवेदन दिन सकिनेछ । छिटोमा २१ असार र ढिलोमा ३१ असारमा निश्कासन बन्द हुने कम्पनीले जनाएको छ ।
कम्पनीको बिक्री प्रबन्धक एनएमबि क्यापिटल लिमिटेड रहेको छ ।
