लामो समयदेखि निरन्तर ओरालो लागेको शेयर बजार मापन परिसूचक नेप्सेमा सोमबार उच्च अंकले वृद्धि भएको छ। आइतबार १०८ अंकले घटेको नेप्से सोमबार १६१ अंकले वृद्धि भएर २९८०.७८ बिन्दुमा पुगेको छ।
नेप्से बढेसँगै कारोबार रकम भने आइतबारको तुलनामा घटेको छ। कारोबारको अघिल्लो दिन ११ अर्ब २४ करोड मूल्य बराबरको शेयर कारोबार भएको बजारमा सोमबार ९ अर्ब ८२ करोड मूल्य बराबरको मात्रै कारोबार भयो। २२४ कम्पनीको १७ लाख बढी कित्ता शेयर ९ अर्ब ८२ करोड मूल्य बराबर खरिदबिक्री भए।
