गजुरी गाउपालिका वडा नम्वर ८ महादेवखर्कमा दुई दिने एकिकृत सामुदायिक कार्यशाला गोष्ठी सम्पन्न भएको छ । गजुरी गाउपालिका र शान्ती नेपालको साझेदारीमा सन्चालित एकीकृत सामुदायिक पोषण तथा खाद्द्य सुरक्षा परियोजना अन्तरगत गोष्ठी सम्पन्न भएको हो । गजुरी गाउपालिका वडा नम्वर ८ का अध्यक्ष राजकुमार ढुङ्गानाको अध्यक्षतामा भएको कार्यक्रममा महादेवखर्क गाउका ५४ जनाको सहभागिता रहेको थियो ।
कार्यक्रममा समुदायको आर्थिक, समाजिक, शैक्षिक, स्वास्थ्य र सरसफाइको अवस्था विश्लेषण गरिएको थियो । ६१ घरधुरी तामाङ जातिको मात्र बसोबास रहेको समुदायमा ५ बर्ष मुनिका २८ जना बालिबालिका, ५ जना गर्भवती, १२ जना प्रवेशिका परीक्षा उत्तीर्ण गरेको,र एक जना सरकारी सेवामा रहेको पाइएको छ । गर्भजाँच नियामीत गर्ने गरेको, बालबालिकाको नियमित वृद्दी अनुगमन गर्ने गरेको र स्वास्थ्य सस्था टाढा भएका कारण अझै पनि केही आमाहरु घरमै सुत्केरी हुने गरेको पाइएको छ ।
समुदायको समग्र विकासका बारेमा छलफल गर्न आयोजना गरिएको सामुदायिक गोष्ठीमा समुदायको राम्रा पक्षहरु, सुधार गर्नुपर्ने पक्षहरुका बारेमा पनि छलफल गरिएको थियो । एउटै समुदायमा धेरै समुहहरु रहेको र प्रभाबकारी समूह परिचालन नभएकोले सामुदायिक विकासका लागि सबै घरधुरीलाइ आवद्द गराइ समूह समयोजन गरि प्रभावकारी रुपमा समिह परिचलान गर्ने निर्णय भएको छ । कार्यक्रममा वडा अध्यक्ष ढुङ्गानाले समुदायको कृषि, स्वास्थ्य, शिक्षा, खानेपानी, सरसफाइ र पोषण सुधारका लागि आवश्यक सहयोग गर्ने बताउनुभएको थियो ।
कार्यक्रममा शान्ती नेपालका परियोजना सम्योजक लाल प्रसाद पोख्रेल, सामुदायिक स्वास्थ्य सहजकर्ता सन्ध्या श्रेष्ठले सहजिकरण गर्नुभएको थियो ।
