नेपाल पत्रकार महासंघ धादिङका संस्थापक अध्यक्ष स्व. सिताराम प्रसाद वर्माको शुक्रबार शालिक अनावरण गरिएको छ । नेपाल पत्रकार महासंघको भवन परिसरमा शुक्रबार शालिक अनावरण गरिएको हो । कार्यक्रममा नेपाल पत्रकार महासंघ धादिङका अध्यक्ष राजाराम शर्माले वर्मा अन्तिम समयमा पनि कलम र कपि बोकेर नै संसारबाट बिदा हुनुभएको बताउनुभयो ।
धेरै कुराहरु राजेन्द्र प्रताप शाहबाट सिकेको र आफु रित्तिएर पनि अरुलाई भरिभराउ पार्नु भएको उहाँको भनाई छ । स्मारिका प्रकाशन गर्ने र ज्वालामुखी गाउँपालिकाले पनि उहाँको नाममा पत्रकारिता पुरस्कार प्रदान गर्न प्रस्ताव गरीएको छ ।
पत्रकारिता क्षेत्रलाई व्यवस्थित बनाउनको निम्ति संस्थापक अध्यक्ष स्व. सिताराम प्रसाद वर्मा र संस्थापक सचिव एवं पुर्व अध्यक्ष राजेन्द्र प्रताप शाहको महत्वपूर्ण भुमिका रहेको प्रतिनिधि सभा सदस्य खेम प्रसाद लोहनीले बताउनुभयो । निर्वाचनलाई स्वच्छ निश्पक्ष स्वतन्त्र बनाउन महत्त्वपूर्ण भुमिका संचार माध्यमले खेल्ने पनि लोहनीले बताउनुभयो ।
