शुक्रबार सेयर बजार परिसूचक नेप्सेमा १२ अंकमाथिको वृद्धि भएको छ । अघिल्लो दिन १५ अंकले बढेको बजारमा शुक्रबार थप १२.९२ अंकले बढ्दै नेप्से सूचक २१ सय ४०।३९ विन्दुमा उक्लिएको हो ।
दुई घण्टा खुलेको बजारमा आज सेन्सेटिभ इन्डेक्स समेत ३.८६ अंकले बढ्दै ४०९.४८ अंकमा उक्लिएको छ । यस दिन हाइड्रोपावर, निर्जीवन बीमा र म्युचुलअल फन्ड बाहेक अन्य सबै उपसूचक धनात्मक भएका छन् ।
सबैभन्दा बढी आज डेभलपमेन्ट बैंक समूहको उपसूचक ४.६५ प्रतिशतले बढेको छ भने होटल तथा पर्यटन समूहको उपसूचक ३.८४ प्रतिशतले बढेका छन् । बाँकी अन्य समूहहरूको उपसूचक १ प्रतिशतभन्दा कम प्रतिशतले बढेका छन् ।
