फिल्म ‘बदलिँदो आकाश’ निर्माण हुने भएको छ । अनुप पौडेलले निर्माण गर्न लागेको फिल्म मच्छिन्द्र योङग्यले निर्देशन गर्न लागेका हुन् । फिल्ममा मुख्य भूमिकाको रुपमा अभिनेत्री आना शर्मा छानिएकी छन् । अन्य कलाकार छनौटको क्रममा रहेको निर्माण युनिटले जनाएको छ । फिल्मको नेपाल, भारतको दार्जिलिङ र सिक्किममा छायाङ्कन हुने बताइएको छ ।
भारतको फिल्म विकास निगम (एनएफडीसी) ले आयोजना गरेको फिल्म बजारमा छानिएको स्क्रिप्टमाथि फिल्म निर्माण हुन लागेको हो । चलचित्र हलहरुमा आजकल राम्रा फिल्म लाग्नै छाड्यो । अनुपको फिल्म ‘लोरी’ अहिले ओस्कार अवार्डमा प्रतिस्पर्धाको तयारीमा छ । लोरीले यस वर्ष कान्स फिल्म फेस्टिभलमा समेत एक अवार्ड हात पारेको थियो ।
फिल्म ट्राभल कथावस्तुमा निर्माण गर्न लागिएको निर्माता पौडेलले बताएका छन् ।
