आज धादिङको मैदी, धुवाकोट, सल्यानटार, खाल्टे लगायतका स्थानीयले गोरु जुधाईसंगै विभिन्न मेला तथा सांस्कृतिक कार्यक्रमको आयोजना गरेका छन । आज माघे संक्रान्ति भन्ने वित्तिकै नेपालमा गोरु जुधाउने दिन भनेर चिनिन थालेको छ ।
मैदीकोटमा हिजो शनिबारदेखि नै लाइभ दोहोरीसहितको सास्कृतिक कार्यक्रम भैरहेको सुरु भएको छ। धुवाकोटमा गोरु जुधाईसंगै कृषि तथा हस्तकला प्रदर्शनी र सल्यान्टारमा खेलकुदको समापनसहित गोरु जुधाई तथा सास्कृतिक कार्यक्रम आयोजना गरिएको आयोजकहरुले बताएका छन् ।
जनावर जुधाएर आनन्द लिने मानिसको यो परम्परासँग ऐतिहासिक महत्व पनि जोडिएको छ । रसुवा, नुवाकोट र धादिङ तीनै जिल्लामा गोरु जुधाउने यो परम्परा नेपाल र तिब्बत बीचको भोट सन्धी १९४९ सँग जोडिएको छ । गोरुको घम्साघम्सीमा काले, तारे, फुच्चे, लाहुरे, फुर्के, बर्ने, जोवाने जस्ता अनेकौं नाम गरेका गोरुहरु मैदानमा देखिन्छ ।
पहिला पहिला छिमेकीले रमाइलो स्वरुप आफ्नो घरमा रहेका गोरुहरू जुधाउने गरेका थिए । अहिले प्रतियोगीताका रुपमा गोरु जुधाइदै आएको छ ।
