काठमाडौँ । नयाँ वर्ष अर्थात अगामी वैशाख १ गतेबाट प्रदर्शनमा आउने फिल्म ‘बुलाकी’को टिजर सार्वजनिक गरिएको छ । झण्डै दुई मिनेट लामो टिजरमा कर्णालीको ग्रामीण जीवन, रीतिथिति, जारीप्रथा तथा पारिवारिक सम्बन्धमा आउने आरोहअबरोह देखाउन खोजिएको छ ।
लक्ष्मण सुनार निर्देशित फिल्म टोपेन्द्र विष्टले निर्माण गरेका हुन् । फिल्ममा नरेन खड्का, सुरक्षा पन्त र बिराज बिष्ट मुख्य भूमिका छ । रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, धनवहादर राई, लक्ष्मण देवकोटा, बसन्त उदास, सोनु सेढाइकाको समेत अभिनय फिल्ममा छ ।
छत्रेश्वरी म्यानेजमेन्टको ब्यानरमा स्व. मोति बिष्टको प्रस्तुति रहेको फिल्म शिव ढकालले खिचेका हुन् । अर्जुन जिसीले सम्पादन रहेको फिल्म डोल्पा, जाजरकोट र रुकुम पश्चिमका बिकट स्थानहरुमा खिचिएको छ । फिल्मको वितरण त्रिनेत्रम् र एफडी गर्दैछ ।
